പ്രവാസം

പ്രവാസവും മറ്റൊരു ജയിലുതന്നെ
മറ്റാരുടേയോ നാട്ടില്‍
എവിടെ നിന്നൊക്കെയോ എത്തിയ
അപരിചിതരുടെയിടയില്‍------
അവരുടെ നിയമങ്ങള്‍ക്കു
വിധേയമായ ജീവിതം
പരോളിലിറങ്ങുന്നതു പോലെ
നാട്ടില്‍ ചിലവിടുന്ന അല്പ അവധി ദിനങ്ങള്‍
അമ്മയുടെ മണമില്ലാത്ത വാടകവീടുകളില്‍,
തനിമയില്ലാത്ത ആഘോഷപ്പെരുക്കങ്ങളില്‍
എരിഞ്ഞു തീരുന്ന ജീവിതങ്ങള്‍
മഴയും വെയിലും, ശ്വാസവായുപോലുമന്യം